Helle Lappland

Lappland har vore Helle's versjon av den tradisjonelle samiske Leukukniven sidan 1979.

Leukuknivar har lange tradisjonar i nord, og Helle sin versjon er ganske tett opp til dei tradisjonelle blada. Med eit blad på 21,4 cm er dette den av Helle's knivar med størst blad, noko som gir kniven bra funksjonalitet til hugging. Samstundes er det ikkje noko fingervern, som gir god kontroll når ein skal nytte kniven till å skjære. 

Skaftet er tønneforma og laga i olja bjørk, med ein stor messingholk fram mot bladet. Tangen er klinka i ei messingplate bakerst. 

Dette er ein kniv som byr opp til bruk i dei fleste situasjonar i villmarka. Det er kanskje difor at Outside Magazine i 2012 sa at dette er ein kniv ein kan stole på i alle situasjonar.

Kniven blir levert med ei solid slire i brunt, vegetabilsk lær med prega naturmotiv på og oppheng til belte.